काठमाडौं । कपिलवस्तु र बैतडीमा भएका छुट्टाछुट्टै सडक दुर्घटनामा २ जनाको मृत्यु भएको छ भने ९ जना घाइते भएका छन् ।
पूर्व–पश्चिम राजमार्ग स्थित शिवराज नगरपालिका–१, बनकसबासमा आज बिहान बस दुर्घटना हुदा एक जनाको मृत्यु भएको छ भने पाँच जना घाइते भएको हाम्रा कपिलवस्तु सम्वाददाता मनोज पौडेलले बताउनुभएको छ ।
राति करिब २ बजे काठमाडौंबाट धनगढीतर्फ जादै गरेको बा.प्र.०१–००६ ख ८५०६ नं.को यात्रुबाहक बसले एक पैदल यात्रीलाई ठक्कर दिइ अनियन्त्रित भई सडकमा पल्टिदा दुर्घटना भएको वडा प्रहरी कार्यालयले जनाएकोछ । बसले ठक्कर दिएका अन्दाजी ५०÷५५ वर्षका पुरुषको भने मृत्यु भएकोछ । घाइते यात्रुको चन्द्रौटास्थित संजीवनी सामुदायिक अस्पतालमा उपचार भईरहेकोछ । उनीहरुको अवस्था सामान्य छ ।
उता, बैतडीको शिवनाथ धाममा लागेको मेलाबाट फर्किँदै गरेको जिप दुर्घटना हुँदा एक जनाको मृत्यु भएको छ भने चार जना घाइते भएका छन्। मेलौली–पञ्चेश्वर सडकखण्डअन्तर्गत मेलौली नगरपालिका–७ स्वाखानीमा राति से १ ज ७३२ नम्बरको जिप दुर्घटनाग्रस्त भएको डडेल्धुरा सम्वाददाता बरुण पनेरुले बताउनुभयो ।
.png&w=400&height=300)
