सप्तरी । सप्तकोसी नदीको बहाव उच्च हुँदा कोसी बाँधमा हाई एलर्ट भएको छ भने बहाव बढ्ने क्रम जारी छ । आईतवार बिहान ९:१५ बजे सप्तकोसी नदी क्षेत्रमा वर्षा भईरहेको र अरु नदीहरुको पानी कोसीमा आउँदा बहाव उच्च भएको हो ।
आईतवार बिहान ९:१५ बजेको मापनअनुसार कोसी ब्यारेजमा प्रतिसेकेन्ड ४ लाख ३१ हजार ५२५ क्यूसेक पानीको बहाव रेकर्ड भएको छ भने कुल ५६ वटै ढोका खोलिएको छ । गतवर्ष असोजमै ६ लाख ३१ हजार बहाव हुँदा काेसी ब्यारेज माथिबाटै कोसी बग्न थालेको थियो ।
सप्तकोसीमा सुनकोसी, दुधकोसी, भोटेकोशी, इन्द्रावती, अरुण, तमोर र तामाकोसी गरी सातवटा नदीहरूको पानी मिसिने गर्छन् । पहाडी जिल्लाहरूमा लगातार भइरहेको वर्षाले कोसीका यी सहायक नदीहरुमा जलस्तर बढेपछि कोसीको बहाव पनि उच्च भएको हो । पहाडी क्षेत्रका खोलानदीहरूको पानी कोसीमा आइपुग्न करिब ६ देखि ७ घण्टा लाग्ने गर्छन् ।
यता कोसी ब्यारेज हुँदै सवारीसाधनहरूको आवतजावत कम गतिमा भइरहेको छ । तर, कोसी ब्यारेज र नदी क्षेत्रमा सर्वसाधारणलाई माछा मार्न, दाउरा टिप्न तथा अनावश्यक रूपमा नदी किनारमा नजान प्रशासनले आग्रह गरेको छ ।
.png&w=400&height=300)
.png&w=350&height=150)