बागलुङ । तीन लाख राशीको पालिकास्तरीय खुला फुटबल प्रतियोगिता बागलुङमा सञ्चालन हुने भएको छ ।
बागलुङ नगरपालिकाको आयोजनामा यहि मंसिर १४ गते देखि १८ गते सम्म बाङगेचौर खेल मैदानमा फुटबल प्रतियोगिता हुन लागेको हो । "स्वास्थ्यको लागि खेल, राष्ट्रको लागि खेल र पर्यटन विकासका लागि खेल" भन्ने मुल नाराका साथ आयोजना हुने प्रतियोगितामा विभागीय टिम पुलिस र आर्मीसहित १० टिम सहभागी हुने भएको पत्रकार सम्मेलन गरी जानकारी गराइएको छ ।
पाँच दिनसम्म सञ्चालन हुने खेलमा प्रथम हुनेलाई तीन लाख ३३ हजार तीन सय ३३ रूपैयाँ, द्वितियलाई दुई लाख दुई हजार दुई सय २२ रूपैयाँ नगदसहित ट्रफी र मेडल प्रदान गरिने भएको छ ।
