काठमाडौं । संघीय निजामती विधेयकमा रहेको कुलिङ पिरियड हेरफेरमा संलग्नको छानबिन गर्न गठित संसदीय विशेष समितिले काम सुरु गरेको छ । संघीय संसद् भवन नयाँबानेश्वरमा आज सभामुख देवराज घिमिरेसहित बसेको समितिको पहिलो बैठकले कार्ययोजनाको तालिका बनाउने सहमति गरेको छ ।
समितिको क्षेत्राधिकारअनुसारको कार्यतालिका बनाएर तोकिएकै समयमा प्रतिवेदन बुझाउने गरी काम सुरु गरिएको सभापति जीवन परियारले जानकारी दिनुभयो ।
पाँच राजनीतिक दलका प्रतिनिधि सहभागी समितिलाई २१ दिनको समय दिइएको छ । समितिले निजामती सेवा विधेयकमा सेवा निवृत्त कर्मचारीले अर्को नियुक्ति लिन २ वर्षको कुलिङ अफ पिरियड राख्ने प्रावधान हेरफेरमा संलग्नको पहिचान गरी कारबाहीको सिफारिस गर्नेछ ।
