काठमाडौं । राष्ट्रिय मानव अधिकार आयोगले उपभोक्ता अदालतको निर्णयमा देखिएका असहमतिलाई समाधान गरेर स्वास्थ्य सेवा तत्काल नियमित गर्न नेपाल चिकित्सक संघ तथा नेपाल सरकारलाई आग्रह गरेको छ ।
आयोगले आज विज्ञप्ति जारी गरी चिकित्सक संघको आन्दोलनप्रति गम्भीर ध्यानाकर्षण भएको जनाएको हो । स्वास्थ्य सेवाको क्षेत्रमा देखिएका अन्योलता तथा अस्पष्टताहरूलाई सार्थक वार्ता र संवादका माध्यमबाट समाधान खोज्न र असहमतिका सम्बन्धमा कानुनी प्रक्रियाको अवलम्बन गरेर स्वास्थ्य सेवा तत्काल नियमित गर्न सरकार र नेपाल चिकित्सक संघलाई आग्रह गरेको हो ।
