अर्घाखाँची । अर्घाखाँचीका प्रमुख जिल्ला अधिकारी बेदप्रसाद खरेलको कार्यशैली ठिक नभएको भन्दै जिल्ला प्रशासन कार्यालयमा काम गर्ने कर्मचारीहरूले विरोध गरेका छन् ।
सेवा प्रवाह, कार्यसम्पादन र कर्मचारीहरूलाई गर्ने व्यवहारको विषयलाई लिएर जिल्ला प्रशासन कार्यालयका कर्मचारी र प्रमुख जिल्ला अधिकारीबीच मनमुटाव सिर्जना हुँदा बुधबार करिब ३ घण्टा काम कारवाही रोकेर कर्मचारीहरू आन्दोलित भएका हुन् ।
सिडिओ र कर्मचारीको विवादले सेवा प्रवाहमा समेत समस्या भएपछि कर्मचारीसामु प्रमुख जिल्ला अधिकारी खरेलले माफी मागेपछि अहिले कामकाज सुचारू भएको कार्यालयका एक कर्मचारीको भनाइ छ ।
