काठमाडौं । संसदीय उपसमितिले विद्यालय शिक्षा विधेयक पारित गरेको छ । शिक्षा समिति अन्तर्गतको उपसमितिको आज बसेको बैठकले विधेयकमा सहमति जुटाएर पारित गरेको हो ।
यो विधेयक अब समितिको पूर्ण बैठकमा पेश हुनेछ । समितिले पारित गरेपछि संसद्मा पुग्नेछ ।
सामुदायिक विद्यालयका शिक्षकहरूले तत्काल शिक्षा विधेयक पारित गर्न माग गर्दै झन्डै एक महिनासम्म विद्यालय बन्द गरेर काठमाडौं केन्द्रित आन्दोलन गरेका थिए । सरकारले यही अधिवेशनबाट विधेयक पारित गर्ने प्रतिबद्धता जनाएको छ ।
