काठमाडौं । संसद्को राज्य व्यवस्था तथा सुशासन समितिले चैत १५ गते काठमाडौंको तीनकुनेमा भएको हिंसात्मक घटनाको जानकारी माग्न गृहमन्त्री रमेश लेखकलाई बोलाउने निर्णय गरेको छ ।
सिंहदरबारमा आज बसेको समितिको बैठकले तीनकुने घटनाबारे जानकारी लिन पर्सि २२ गते ११ बजे गृहमन्त्री लेखकलाई बोलाउने निर्णय गरेको सभापति रामहरि खतिवडाले जानकारी दिनुभयो ।
आजको बैठकमा नेपाली कांग्रेसका सांसद विश्वप्रकाश शर्माले तीनकुनेको हिंसात्मक घटनाबारे छानबिन गर्न न्यायिक समिति गठन गर्नुपर्ने बताउनुभएको थियो । सांसदहरुले घटनाबारे जानकारी लिन गृहमन्त्रीलाई बोलाउनुपर्ने माग गरेका थिए ।
राजतन्त्र पक्षधरको प्रदर्शनका नाममा हिंसा तथा तोडफोड, लुटपाट र आगजनीका घटना भएका थिए । एक पत्रकारसहित दुई जनाको ज्यान गएको थियो ।
