काठमाडौं । कोटेश्वरको भाटभटेनी सुपर मार्केट पुगेर तोडफोड र लुटपाट गर्नेको प्रतिकार गरेका सुरक्षागार्ड दुलप्रसाद पराजुलीलाई कम्पनीले ५ लाख १ हजार १ सय ११ रुपैयाँसहित सम्मान गरेको छ ।
यही चैत १५ गते भाटभटेनी लुटपाट र तोडफोड गर्न गएको राजावादी समूहको प्रतिकार गर्ने सुरक्षागार्ड पराजुलीलाई सञ्चालक मीनबहादुर गुरुङले नगद पुरस्कारसहित सम्मान गर्नुभएको हो ।
सुरक्षागार्ड पराजुलीलाई पाँच ग्रेड बढुवासमेत गरिएको छ ।
कार्यक्रममा भाटभटेनीले अन्य कर्मचारीलाइ पनि सम्मान गरेको थियो । सञ्चालक गुरुङले विवादित मेडिकल व्यवसायी दुर्गा प्रसाईंको गुण्डागर्दी र लुटपाटको शैलीले राजसंस्था नफर्कने बताउनुभयो ।
