काठमाडौं । नेपालले इजरायल र हमासबीच भएको युद्धविराम र बन्धक रिहाइसम्बन्धी सम्झौताको स्वागत गरेको छ ।
परराष्ट्र मन्त्रालयले एक विज्ञप्ति जारी गर्दै सन् २०२३ अक्टोबरबाट सुरू भएको युद्ध अन्त्यको बाटोमा अघि बढेकोमा त्यसको स्वागत गरेको हो ।
हमासको नियन्त्रणमा रहेका नेपाली विद्यार्थी विपिन जोशीको सकुशल रिहाइ हुनेमा मन्त्रालयले विश्वास व्यक्त गरेको छ ।
नेपालले युद्धग्रस्त क्षेत्रमा दीर्घकालीन शान्ति र मानवीय सहायताको प्रत्याभूति गर्न सम्बद्ध सबै पक्षसँग आग्रह पनि गरेको छ ।
