बर्दिया । बाघको आक्रमणबाट आइतबार दिउँसो बर्दियामा एक महिलाको ज्यान गएको छ । बर्दिया राष्ट्रिय निकुञ्ज अन्तर्गत ठाकुरबाबा नगरपालिका–६ बकुवास्थित मध्यवर्ती सामुदायिक वनमा पाटेबाघको आक्रमणमा महिलाको मृत्यु भएको हो ।
मृत्यु हुनेमा ठाकुरबाबा–६ कालीगौढीकी ४० वर्षीया पदमकला थापा रहेकी छन् । निकुञ्जका वरिष्ठ प्रमुख संरक्षण अधिकृत अशोक रामका अनुसार बाख्रा चराउन जाँदा उनलाई बाघले आक्रमण गरेको थियो ।
आक्रमण गर्ने बाघको पहिचान गर्न सुरू गरिसकिएको निकुञ्जले जनाएको छ ।
