काठमाडौं । चीनको दिङ्गे केन्द्रबिन्दु भई मंगलबार बिहान ६ बजेर ५० मिनेटमा गएको भूकम्पमा परी नेपालमा दुई जना घाइते भएका छन् ।
बुधबार बिहान १० बजेसम्मको सूचना अनुसार नेपालमा १७ घर आंशिक तथा एक घर पूर्णरूपमा क्षतिग्रस्त भएको नेपाल प्रहरीले जनाएको छ । यस्तै, एक गोठ पूर्ण रूपमा तथा दुई वटा सरकारी कार्यालयमा आंशिक क्षति पुगेको प्रहरीले जनाएको छ ।
यस्तै, एक विद्यालय र दुई प्रहरी कार्यालयमा आंशिक क्षति पुगेको छ । कुल २२ लाख २५ हजार रुपैयाँ बराबरको भौतिक क्षति भएको प्रहरीले जनाएको छ ।
प्रहरीका अनुसार भूकम्पबाट ओखलढुंगा, सोलुखुम्बु, संखुवासभा, ताप्लेजुङ, काभ्रे, बारा, काठमाडौं, सिन्धुपाल्चोक, रामेछाप र खोटाङ भूकम्पबाट प्रभावित भएका छन् ।
