भक्तपुर । मोटरसाइकलले ठक्कर दिँदा भक्तपुरमा एक जना पैदलयात्रीको मृत्यु भएको छ । अरनिको राजमार्ग अन्तर्गत भक्तपुरको नलिञ्चोक जोरपाटीमा जगातीबाट साँगातर्फ जाँदै गरेको बा४६प ११२७ नम्बरको मोटरसाइकलले आज बिहान पैदलयात्रीलाई ठक्कर दिएको हो ।
दुर्घटनामा रामेछाप दोरम्बा गाउँंपालिका-४ घर भई हाल नलिञ्चोक बस्ने ७० वर्षीय निमबहादुर मगरको मृत्यु भएको प्रहरी परिसर भक्तपुरका प्रहरी नायब उपरीक्षक ढुण्डीराज नेउपानेले जानकारी दिनु भयो ।
मोटरसाइकल चालक काभ्रेको बनेपा नगरपालिका-६ बस्ने ४४ वर्षीय जीतेन्द्र श्रेष्ठलाई पक्राउ गरी सवारीसाधन सहित प्रहरी वृत्त जगातीमा थप अनुसन्धान थालिएको उहाँले बताउनु भयो ।
