धनकुटा । धनकुटाको शहिदभूमि गाउँपालिकामा पर्ने खोकु, छिन्ताङ्ग र आँखीसल्लाका किराँत राई समुदायले आफ्ना इष्टदेवको आराधना गरेर धुमधामका साथ पावानी चाड मनाएका छन् ।
कार्तिक पूणिर्माको पहिलो मंगलबार साकेन्वा थानमा पूजा गरेपछि सुरु भएको खाल्साली किराँत राई समुदायको पावानी चाड आजबाट समापन हुँदैछ ।
आफ्ना पूर्खा बुढाहाङले शत्रुमाथि विजयप्राप्त गरी आफूहरुलाई स्वतन्त्र गरेको खुसीयालीमा हरेक बर्ष उत्सवको रुपमा पावानी मनाउने गरिन्छ ।
पावानीका अबसरमा खाल्लासी राई समुदायले आफ्ना दरसन्तान र आफन्तमा सुखशान्तिको कामना गर्दै समुहमा भेला भइ ढोल झ्याम्टा बजाउँदै ६ दिन ६ रातसम्म पावानी नाच्ने परम्परा यो समुदायमा छ ।
