काठमाडौं । कान्तिपुर टेलिभिजनका अर्घाखाँची संवाददाता रुद्रमणि भुसाल सम्मानित हुनुभएको छ ।
पत्रकारिताका माध्यमबाट सहकारी सम्बन्धी विभिन्न गतिविधिसँगै समाजमा सुशासन कायम गर्न महत्वपूर्ण योगदान पुर्याएबापत सन्धिखर्कको चुत्राबेशीमा रहेको त्रिवेणी बचत तथा ऋण सहकारी सस्थाले नगदसहित सम्मान गरेको हो ।
करिब १५ वर्षदेखि पत्रकारीता गरिरहेका भुसाललाई पत्रकारिताका माध्यमबाट निर्भीक भएर सहकारी सम्बन्धि कलम चलाएका कारण यो सम्मान प्रदान गरिएको संस्थाले जनाएको छ ।
सहकारीले उत्कृष्ट अंक ल्याउने विद्यार्थी, जेष्ठ नागरिक ,असल कारोबारी सदस्यहरुलाई समेत सम्मान गरेको छ ।
