काठमाडौं । असोज १२ गते शनिबारदेखि अग्रिम टिकट बुकिङ खुला हुने भएको छ ।
सरकार र यातायात व्यवसायीबीच यातायात व्यवस्था विभागको कार्यालयमा भएको बैठकले अग्रिम टिकट बुकिङ खुलासहित १४ बटा निर्णय गरेको छ । जसमा यथासक्य अनलाइन बुकिङ खुला गर्ने, यात्रुले अनिवार्य टिकट लिनुपर्ने, यात्रुबाहक सवारी साधनलाई घटस्थापनादेखि पूर्णिमासम्म रुट नेपालभर लागुहुनेगरि रुट परमिट खुला गर्ने र सवारीको यान्त्रिक परिक्षण अनिवार्य गर्ने लगायत छन् ।
यता सडक विभागले पनि दसैँको समयमा सहज रुपमा सवारी आवगमन गराउने प्रतिबद्धता जनाएको छ । सडकमा खाल्डाखुल्डी र भ्वाङ परेर सवारी सञ्चालन समस्या भएपछि यातायात व्यवसायीहरुले सडक मर्मत् गर्न ताकेता मात्रै गरेनन्, १० गते भित्र सडकको मर्मत सक्ने गरी सहमति नै गरेका थिए । सोही सहमतिअनुरुप काम थालेको विभागले ५० प्रतिशत काम सकिएको दाबी गरेको छ ।
यातायातको अग्रिम टिकट बुकिङ खुला भएपनि कहाँकहाँ काउन्टर रहने भन्ने टुंगो लागेको छैन् ।
