सप्तरी । सप्तरीको कञ्चनरुप नगरपालिका- ३ बरमझियास्थित पूर्व-पश्चिम राजमार्ग सडकखण्डमा आज ट्यांकरले मोटरसाइकललाई ठक्कर दिँदा दुईजनाको मृत्यु भएको छ ।
दुर्घटनामा सुनसरीको हरिनगर गाउँपालिका वडा नम्बर १ गौतमपुरका अन्दाजी ४१ वर्षका महेशकुमार मेहताको घटनास्थलमा मृत्यु भएको हो । यस्तै ४१ वर्षका जयप्रकाश मेहताको उपचारको क्रममा मृत्यु भएको हो ।
दुर्घटनामा गम्भीर घाइते भएका मेहताको राजविराजस्थित गजेन्द्रनारायण सिंह अस्पतालमा उपचारको क्रममा मृत्यु भएको जिल्ला प्रहरी कार्यालय सप्तरीले जनाएको छ ।
पश्चिमबाट पूर्वतर्फ जाँदै गरेको नेपाल आयल निगमको को १ ख ७४१४ नम्बरको ट्यांकरले विपरीत दिशाबाट आउंँदै गरेको प्र १-०२०४७ प १२८० नम्बरको मोटरसाइकललाई ठक्कर दिँदा उक्त दुर्घटना भएकाे हाे ।
यता ठक्कर दिने सवारी साधनलाई नियन्त्रणमा लिई घटनाबारे अनुसन्धान अगाडि बढाएको जिल्ला प्रहरी कार्यालय सप्तरीले जनाएको छ ।
