धादिङ । पहिरोका कारण राति साढे दुई बजेदेखि अवरुद्ध पृथ्वी राजमार्ग अहिले बिहानदेखि खुलेको छ ।
पृथ्वीराजमार्गको धादिङ खण्डअन्तर्गत बेनीघाट रोराङ गाउँपालिका जोगिमारा नजिकै पानी धारा र आसपासमा राति साढे २ बजे पहिरो खस्दा राजमार्ग अवरुद्ध बनेको थियो । पहिरो हटाएपछि पाँच घण्टादेखि अवरुद्ध पृथ्वी राजमार्गमा सवारी आवागमन सुरु भएको हो ।
पहिरो पन्छाएपछि रातिदेखि रोकिएका सवारी साधन गन्तव्यतर्फ लागेका छन् ।