काठमाडौं । देशभर मनसुन सक्रिय भएसँगै जल तथा मौसम विज्ञान विभागको मौसम पूर्वानुमान महाशाखाले सतर्कता अपनाउन आग्रह गरेको छ ।
केही दिनसम्म कोशी, मधेश, बागमती र गण्डकी प्रदेशका केही क्षेत्रमा भारी वर्षा र चट्याङको जोखिम रहेको मौसमविद् प्रतिभा मानन्धरले जनाउनुभयो ।
पहाडी क्षेत्रमा पहिरो र समथर स्थानमा बाढी र डुबानको जोखिम हुने भन्दै महाशाखाले घरबाट बाहिर निस्कँदा वा बाहिर हुँदा सावधानी अपनाउन पनि महाशाखाले सुझाव दिएको छ ।
पश्चिमी क्षेत्रमा पनि मनसुन केही दिनभित्रै फैलने पूर्वानुमान छ ।