चितवन । चितवनको माडीमा खोलाले बगाउँदा एक जना बेपत्ता भएका छन् । आज दिउँसो १:२० बजेको समयमा माडी नगरपालिका-५ छरछरे स्थित मगई खोलाले बगाउँदा स्थानीय ४५ वर्षका रण बहादुर कामी बेपत्ता भएको चितवन प्रहरीले जनाएको छ ।
इलाका प्रहरी कार्यालय माडीबाट खटिएको टोलीले बेपत्ताको खोजी तथा अनुसन्धान गरिरहेको छ । अहिले पानी परिरहेको र खोलाहरु बढेको कारण भरतपुरबाट माडी ठोरीतर्फ जाने सवारी साधनहरु बाटोमै रोकिएका छन् ।
