काठमाडौं । प्रधानमन्त्री पुष्पकमल दाहाल र राष्ट्रिय खेलकुद परिषद् (राखेप) का सदस्य-सचिव टंकलाल घिसिङ बालुवाटारमा आईसीसी टी-ट्वेन्टी विश्वकपअन्तर्गत नेपाल र दक्षिण अफ्रिकाबीचको खेल हेरिरहेका छन् ।
टी-ट्वेन्टी विश्वकपमा दक्षिण अफ्रिकाले नेपाललाई ११६ रनको लक्ष्य दिएको छ । टस हारेर पहिले ब्यटिङ गरेको दक्षिण अफ्रिकाले निर्धारित २० ओभरमा ७ विकेट गुमाएर ११५ रन बनाएको हो ।
नेपालले अहिले ११.४ ओभरमा २ विकेट गुमाएर ६७ रन बनाएको छ । नेपालका कुशल भुर्तेल १३ रन बनाएर आउट भएका हुन् । यस्तै कप्तान रोहित पौडेल शून्यमा आउट भए ।