काठमाडौं । काठमाडौं जिल्ला अदालतले बलात्कार मुद्दामा न्यायाधीश भुवन गिरीलाई ७ वर्ष कैद सजाय हुने फैसला गरेको छ ।
काठमाडौं जिल्ला अदालतका न्यायाधीश दुर्गाबहादुर भुसालको इजलासले वैवाहिक बलात्कार मुद्दामा गिरीलाई ७ वर्ष कैद र तीन लाख रुपैयाँ जरिवाना हुने फैसला गरेको हो ।
जेठ १३ गते न्यायाधीश भुसालकै इजलासले गिरीलाई बलात्कार मुद्दामा दोषी ठहर गरेको थियो । हिजोको फैसलाबाट सजाय निर्धारण भएको हो ।
जिल्ला अदालत कपिलवस्तुमा न्यायाधीश रहेका बेला गिरीविरुद्ध पत्नी आरती रावलले गत वर्षको वैशाख १९ गते मुद्दा दायर गर्नुभएको थियो । मुद्दाअघि बढेपछि निलम्बित गिरीलाई सर्वोच्च अदालतको चैत २१ गतेको आदेशले थुनामा पठाएको थियो ।
हिजो सजाय निर्धारण गर्दा तोकिएको जरिवाना रकमबाटै पीडितलाई क्षतिपूर्ति भराइने काठमाडौं जिल्ला अदालतका स्रेस्तेदार रामु शर्माले जानकारी दिनुभयो ।
.png&w=400&height=300)
