प्युठान । प्युठानको झिमरुक गाउँपालिका ४, बांगेमरोटमा रहेको दीपेन्द्र प्राविको छाना शनिबार दिउँसोको हावाहुरीले उडाएको छ ।
दिउँसो करिब ५ बजेतिर आएको हावाहुरीले विद्यालय भवनको आधापाखो टिन उडाएको प्रध्यानाध्यापक सुधा सिंहले जानकारी दिइन् । उनका अनुसार विद्यालयको कार्यालय रहेको भवनको छाना हावाले उडाएको हो ।
हावाहुरीसँगै सिमसिम पानी परेकाले कार्यालयमा राखिएका केही सामग्री भिजेको सिंहको भनाइ छ ।
यस्तै हावाहुरीले नौबहिनी गाउँपालिका २, लिघामा आदिवासी जनजाति कार्यालयको भवनको छाना उडाएको छ । यस्तै लिघाकै दानबहादुर पुनको घरको छाना उडाएको जिल्ला प्रहरी कार्यालय प्युठानका प्रहरी नायब उपरीक्षक ईश्वर थापाले जानकारी दिए ।
