काठमाडौं । सत्ता साझेदार दल नेकपा एकीकृत समाजवादी पार्टीका अध्यक्ष माधवकुमार नेपालले शिक्षकहरुको आन्दोलनलाई वार्ताको माध्यमबाट समाधान गर्नुपर्ने बताएका छन् ।
एकीकृत समाजवादीका मनोनीत केन्द्रीय सदस्यको सपथग्रहण कार्यक्रमपछि सञ्चारकर्मीहरुसँगको कुराकानीमा अध्यक्ष नेपालले शिक्षकहरुलाई वार्तामा आउन आग्रह गरे ।
अध्यक्ष नेपालले भने, ‘सरकारले शिक्षकहरुको कुरा सुनेर उचित कुरालाई सम्बोधन गर्नुपर्छ ।’
पूर्वप्रधानमन्त्री नेपालले शिक्षकले विद्यार्थीको पढाइमा पर्ने असरलाई ध्यान दिनुपर्ने र सरकारले पनि शिक्षकका जायज मागलाई उचित सम्बोधन गर्नुपर्नेमा जोड दिए ।
