सुनसरी । सुनसरीको इटहरीको मुख्य चोकमा टिपरको ठक्करबाट स्कुटरमा सवार महिलाको मृत्यु भएपछि इटहरी तनावग्रस्त बनेको छ ।
दिउँसो ३ बजेतिर ना १ ख ९१०७ नम्बरको टिपरको ठक्करबाट स्कुटरमा सवार एक जना महिलाको मृत्यु र अर्की एक जना घाइते भएपछि प्रदर्शनमा उत्रिएका स्थानीय र प्रहरीबीच झडपसमेत भएको छ ।
स्थिति नियन्त्रणमा लिन प्रहरीले केही सेल अश्रु ग्यास प्रहार गरेको छ भने झडपमा ६ जना प्रहरी घाइते भएको इलाका प्रहरी कार्यालय इटहरीले जनाएको छ । मृतक र घाइतेको पहिचान खुल्न सकेको छैन ।
