संघीयता कार्यान्वयनमा मुख्यमन्त्रीहरुको भूमिका महत्वपूर्ण : प्रधानमन्त्री

पोखरा । प्रधानमन्त्री पुष्पकमल दाहालले संघीयता कार्यान्वयनमा मुख्यमन्त्रीहरुको भूमिका महत्वपूर्ण हुने बताएका छन् ।

पोखरामा शनिबार बसेको राष्ट्रिय समन्वय परिषद् बैठकको अध्यक्षता गर्दै प्रधानमन्त्री दाहालले संघीयताप्रति आममानिसमा सकारात्मक सन्देश दिन पनि मुख्यमन्त्रीको भूमिका प्रभावकारी हुनुपर्ने बताए ।

स्थानीय, प्रदेश र संघको सम्बन्ध तथा समन्वय ऐन २०७७ बनेपछि पहिलोपटक पोखरामा प्रधानमन्त्री पुष्पकमल दाहालको अध्यक्षतामा समन्वय परिषदको बैठक बसेको हो । बैठकमा प्रदेशका अधिकारका बारेमा स्पष्ट पार्ने र प्रदेशका लागि चाहिने आवश्यक कानुन बनाउने विषयमा छलफल जारी छ ।

राष्ट्रिय समन्वय परिषद्को सदस्यमा अर्थ, कानुन, गृह र संघीय मामिला मन्त्री रहने छन् । त्यसैगरी प्रदेशका मुख्य मन्त्रीहरू र प्रतिनिधिसभाको विपक्षी दलको नेता वा उनले तोकेको प्रतिनिधि पनि सदस्य रहने प्रावधान छ ।

स्थानीय तहबाट ७ जना सदस्य रहने छन् ।

सम्बन्धित समाचार... 

प्रधानमन्त्रीको अध्यक्षतामा राष्ट्रिय समन्वय परिषद्को बैठक पोखरामा