काठमाडौं । आफूहरुमाथि भएको ठगी रोक्न र न्याय दिन माग गर्दै सरकारलाई समस्या सुनाउन मधेस प्रदेशबाट पैदल हिँडेका मिटरब्याज पीडितहरु काठमाडौंको सीमा क्षेत्र आइपुगेका छन् ।
शनिबार राति मकवानपुरको इन्द्रावती गाउँपालिकाको चखेलमा बास बसेका उनीहरु आजा बिहानैदेखि पैदल हिँडिरहेका छन् । चैत पहिलो साता रौतहट, सर्लाही, महोत्तरी लगायतका जिल्लाबाट यात्रा थालेका ७२ जना मिटरब्याज पीडितहरु दिउँसोसम्म कलंकी आइपुग्ने अनुमान छ। पीडित किसान तथा मजदुरले सिंहदरबारलाई आफ्ना माग सुनाउन आएको बताएका छन् ।
असोज पहिलो साता सरकारले पाँच बुँदे सहमति गरे पनि कार्यान्वयन नभएको र उल्टै झुटा मुद्दा खेप्नुपरेको उनीहरुले गुनासो गरेका छन् । सरकारसँग भएको सहमति कार्यान्वयन नभएपछि उनीहरु काठमाडौं आएका हुन् ।
