काठमाडौं । काठमाडौं महानगरपालिकाकी उपप्रमुख सुनीता डंगोलले जनभावनाविपरीत खुलामञ्चमा कुनै संरचना नबनाउने प्रतिबद्धता जनाएकी छन् ।
काठमाडौं महानगरपालिकाले १०औं कार्यपालिका बैठकले खुलामञ्चमा त्रिपल बेस्मेन्ट पार्किङ बनाउने निर्णय गरेपछि विरोध हुँदै आएको छ। महानगरको निर्णयप्रति विरोध जनाउँदै ज्ञापनपत्र दिन पुगेका स्थानीय बासिन्दा र अभियन्ताहरुसमक्ष उपप्रमुख डंगोलले जनभावनाविपरीत खुलामञ्चमा बेसमेन्ट पार्किङ नबनाउने बताएकी हुन् ।
त्यसक्रममा स्थानीय र अभियन्ताहरुले खुलामञ्चको ऐतिहासिक महत्त्व नबुझेको भन्दै महानगरको कदमप्रति आक्रोश व्यक्त गरे ।
अभियन्ताहरुले टुँडिखेलको पुरानै स्वरुपको माग गर्दै आएका छन् ।
