माघ १२ गते हुने राष्ट्रियसभा निर्वाचनका लागि राजनीतिक दलहरुले धमाधम उम्मेदवारको नाम टुंगो लगाउन थालेका छन् । गठबन्धनमा रहेका पाँच दलले भागबण्डाका आधारमा र प्रमुख प्रतिपक्षी एमालेले एक्लै उम्मेदवार तय गरेका छन् । आगामी फागुनमा २० सदस्यको पदावधि सकिने भएकाले नयाँ सदस्य चयन गर्न निर्वाचन गर्न लागिएको हो ।
माघ १२ गने हुने निर्वाचनका लागि मंगलबार निर्वाचन आयोगमा उम्मेदवारी मनोनयन दर्ता गर्नुपर्छ । सत्ता गठबन्धनको प्रमुख दल नेपाली कांग्रेस आफ्नो भागमा परेका ६ उम्मेद्वारको टुङ्गो लगाएको छ । सत्ता गठबन्धनका अन्य दलले पनि भागबण्डा अनुसार उम्मेद्वारको टुङ्गो लगाएर मंङ्गलबार मनोयन दर्ता गर्ने तयारी गरेका छन् । गठबन्धन दलहरुबीच भएको भागबण्डाअनुसार कांग्रेसले ६, नेकपा माओवादी केन्द्रले ५, नेकपा एकीकृत समाजवादीले ५, जनता समाजवादी पार्टीले २ र राष्ट्रिय जनमोर्चाले १ सिटमा उम्मेदवार उठाउने छन् ।
यता प्रमुख प्रतिपक्ष दल नेकपा एमालेले पनि राष्ट्रियसभाको चुनावमा प्रतिष्प्रर्धा गर्ने उम्मेद्वारको टुङ्गो लगाइसकेको छ । सातै प्रदेशको क्लष्टरअनुसार एमालेले उम्मेदवार टुंगो लगाएको हो । प्रतिनिधिसभा विघटन र नेकपा विभाजनपछि ठूलो पार्टी भएर पनि किनारामा परेको एमालेले राष्ट्रियसभाको चुनावमा पाँच दलीय गठबन्धनसँग चुनाव लड्दै छ । स्वतन्त्र सांसद र सरकारको विपक्षमा रहेका दलहरुसँग समीकरण मिलाउन नसके एमालेलाई एकाध ठाउँबाहेक चुनाव कठीन हुने छ ।
राष्ट्रिय सभाका २० सदस्यको पदावधि अगामी फागुनमा सकिँदैछ । पदावधि सकिनेमा एमालेका ८, कांग्रेसबाट ३, माओवादी केन्द्र र एकीकृत समाजवादीका ४/४ जना छन् । एक जना पदाधिकारी भने सरकारको सिफारिसमा राष्ट्रपतिले मनोनयन गर्ने भएकाले १९ सिटका लागि चुनाव हुन लागेको हो । राष्ट्रियसभा एक स्थायी सदन हो । प्रत्येक दुई वर्षमा एक तिहाई सदस्यको पदावधि सकिने व्यवस्था संविधानले गरेकोमा नेपालको संविधान प्रारम्भ भएपछि पहिलो पटक सदस्यको पदावधि कायम गर्दा गोलाप्रर्था द्वारा एक तिहाइको २ वर्ष, अर्को एक तिहाइको चार वर्ष र बाँकी एक तिहाइको ६ बर्षे कार्यकाल रहने व्यवस्था छ । यसै अनुरुप गोलाप्रथाबाट ४ बर्षे समयावधिमा परेका २० जना सांसदको पदावधि आगामी फागुनमा सकिँदै छ । रित्त हुने पदका लागि मंगलबार दलहरूले मनोयन दर्ता गर्दै छन् । प्रदेशसभाका सदस्य, नगरपालिका प्रमुख उपप्रमुख र गाउँपालिकाका अध्यक्ष उपाध्यक्षको फरक-फरक मतभारद्वारा राष्ट्रियसभा सदस्य चयन हुन्छन् ।
.png&w=400&height=300)
