काठमाडौं । अमेरिकाको फ्लोरिडा राज्यमा समुद्री आँधी मिल्टनका कारण कम्तीमा १६ व्यक्तिको मृत्यु भएको छ भने यो संख्या थप बढन सक्ने उद्धारकर्मीहरूले बताएका छन् ।
मिल्टनका कारण फ्लोरिडा राज्यका करिब तीस लाख घर र व्यवसायहरू विद्युतविहीन भएका छन् ।
गभर्नर रोन डिसेन्टिसले आगामी दिनमा थप बाढी आउन सक्ने अपेक्षा गरिएको बताउनु भएको छ । फ्लोरिडाका बासिन्दाहरूलाई मिल्टनबाट प्रभावित क्षेत्रहरूमा नजान चेतावनी दिइएको छ । समुद्री आँधी मिल्टनले फ्लोरिडा राज्यमा तीव्र गतिको हावाका साथै भारी वर्षा र बाढी ल्याएको थियो ।
समुद्री आँधी मिल्टन फ्लोरिडा पार गर्दै एट्लान्टिक महासागरमा सरे पनि राज्यका धेरै भागहरू बाढीमा परेको र अझैपनि डुङ्गाबाट उद्धार गर्ने कार्य जारी रहेको जनाइएको छ ।
