काभ्रे । बागमती प्रदेशका मुख्यमन्त्री ईन्द्रबहादुर बानियाँले सरकारले कसैको चिर्कटोको भरमा योजना नसमेट्ने स्पष्ट पार्नुभएकाे छ।
काभ्रेमा आइतबार आयोजित अन्तरक्रियामा स्थानीय सरकारका जनप्रतिनिधिहरूले उठाएका विकास निर्माणसम्बन्धी ध्यानाकर्षणलाई सम्बोधन गर्दै मुख्यमन्त्री बानियाँले विकास र समृद्धिको मामिलामा बागमती प्रदेश सरकारले कुनै पनि राजनीतिक दलप्रति पक्षपात नगर्ने स्पष्ट पार्नुभयो।
उहाँले आगामी वर्षसम्म पालिकाको विकासको अवस्था मूल्याङ्कन गरी प्रदेशभरका पालिकालाई वर्गीकरण गरिने र आवश्यकता तथा प्राथमिकताका आधारमा मात्रै योजना छनोट र कार्यान्वयनमा लैजाने प्रतिबद्धता व्यक्त गर्नुभयो।
