एन्फा महिला लिग छनाेट आजदेखि सुरु हुँदै

काठमाडौं । एन्फा महिला लिग छनौट आजबाट सुरु हुँदैछ । अखिल नेपाल फुटवल संघ एन्फाले आयोजना गर्ने लिगको छनौटमा १४ क्लब बीच प्रतिस्पर्धा हुनेछ ।

प्रतियोगिताको उद्घाटन खलेमा आज एफसी रियल र छहारी तथा संकटा र नेपाल खेलकुद क्लबबीच प्रतिस्पर्धा हुनेछ । सातदोबाटोस्थित एन्फा कम्प्लेक्समा हुने पहिलो खेल दिउँसो साढे १२ बजे र दोस्रो खेल ४ बजे सुरु हुनेछ । खेल च्यासल मैदानमा पनि संचालन हुनेछ । १४ टिम बीच हुने ४३ खेल बाट ५ टिम महिला लिगको अन्तिम चरणका लागि छनौट हुनेछन् । 

१४ टिमलाई दुई समुहमा विभाजन गरिएको छ। रोउन्ड रोविन लिगका आधारमा हुने लिगमा दुई समुहका शीर्ष दुई अघिल्लो चरण पुगनेछन् । तेस्रो हुने टिमबीच प्ले अफ हुनेछ र एक टिमले फाइनल चरणको लिगमा स्थान बनाउनेछ । छनौट चरणमा सहभागी अन्य टिममा न्युरोड टिम एनआरटी स्टुडेन्ट फुटबल क्लब, सिन्धुपाल्चोक एफसी, आरएस रिसोर्ट एन्ड बीच, राप्ती फुटबल क्लब, एनबिएम पोखरा गर्ल्स एफसी, लम्की फुटबल एन्ड ट्रेनिङ सेन्टर, झापा एफसी, चर्च ब्वाइज युनाइटेड र बुटवल लुम्बिनी एफसी छन् ।