काठमाडौं । साउदी प्रो लिग टिम अल हिलाल एसियन च्याम्पियन्स लिग एलिटको अन्तिम १६ मा प्रवेश गरेको छ ।
कतारमा गएराति भएको खेलमा घरेलु टोली अल साडसँग एक-एक गोलको बराबरीमा रोकिए पनि हिलाल प्रिक्वार्टरफाइनलमा स्थान बनाउन सफल भएको हो । जेसिम बिन हमाद स्टेडियममा दशौं मिनेटमा हिलालका लागि अली अब्दुलाहीले गोल गरेका थिए ।
तर उसको अग्रता अन्तिम समयसम्म जोगिन सकेन् । दोस्रो हाफमा अलेक्जान्दर मिट्रोभिचको प्रहार क्रस बारमा लागेपछि हिलालको दोस्रो गोलको मौका गुमेको थियो । खेल सकिन १९ मिनेट बाँकी हुँदा अल साडका पाउलो ओटोभियोले गोल गरेपछि खेल बराबरीमा सकियो ।
अर्को खेलमा यूएईको वासरले इराकी साइड अल सोर्टालाई तीन-एक गोलले हराएपछि अल नासारले पनि नक आउट चरणमा स्थान बनाएको छ । हिजो भएको खेलमा क्रिस्टियानो रोनाल्डोको नासारले अल घाराफालाई तीन-एकले पराजित गरेको थियो ।
एसियाको वेस्ट र इस्टबाट आठ-आठ टिम अन्तिम १६ मा प्रवेश गर्नेछन् । १६ टिमबीच मार्चामा होम एन्ड अवेका आधारमा लिग हुनेछ ।
