काठमाडौं । यूएफा च्याम्पियन्स लिगमा साविक विजेता रियाल मड्रिड लिलसँग स्तब्ध भएको छ ।
स्टेड पियरे-माउरोयमा घरेलु टोली लिलले रियाललाई १-० ले स्तब्ध पारेको हो । रियालका लागि जनवरीपछि कुनै पनि प्रतिस्पर्धामा यो पहिलो हार हो ।
१५ पटकको च्याम्पियन रियाल ३६ खेलदेखि अपराजित थियो । कोपा डेल रेमा एथ्लेटिको मड्रिडसँग पराजित भए यता रियाल अपराजित थियो भने च्याम्यिन्सलिगका पछिल्ला १४ खेलमा पनि उसले हारको सामना गर्नु परेको थिएन ।
तर जोनाथन डेभिडले पहिलो हाफमा पेनाल्टीमा गरेको गोल रियाललाई स्तब्ध पार्न प्रयाप्त भयो । पहिलो हाफको स्टपेज टाइममा इडुआर्डो कामाभिनाले इडोन झेग्रोभाको फ्री किकलाई ह्यान्डल गरेपछि लिलले पेनाल्टीको अवसर पाएको थियो ।
यस नतिजासँगै लिले २ खेलमा ३ अंक जोडेको छ । लिले तालिकाको १८ औं स्थानमा उक्लिएको छ ।
