काठमाडौं । इंग्लिस प्रिमियर लिगमा अपराजित न्युकासल युनाइटेडले पुनरागमन जित हासिल गरेको छ ।
न्युकासलले उल्भ्सलाई उसकै घरेलु मैदानमा २-१ ले हराएको हो । मोलिनक्स स्टेडियममा एक गोलले पछाडि रहेको स्थितिमा न्युकासलले सानदार पुनरागमन गर्यो ।
३६ औं मिनेटमा मारियो लेमिनको गोलमार्फत आफ्नो घरेलु मैदानमा उल्भ्सल अग्रता लिएको थियो । फाबिन स्चरले ७५ औं मिनेटमा बराबरी गोल फर्काए ।
हार्भे बर्नसले खेलको ८०औं मिनेटमा उत्कृष्ट गोल गरेपछि न्यू कासल विजयी भयो । जारी प्रमियर लिगमा न्युकासल अपराजित छ । यो जितपछि न्युकासल ४ खेलमा ३ जित र १ बराबरीसहित १० अंक जोडेर तेस्रो स्थानमा उक्लेको छ । समान खेलमा १ अंक जोडेको उल्भ्स १८ औं स्थानमा छ ।