काठमाडौं । पेरिस पारालिम्पिक्सको पौडीमा नेपालका भीमबहादुर कुमाल हिट चरणबाटै बाहिरिएका छन् । यससँगै जारी पेरिस पारालिम्पिक्समा नेपालको सहभागीता पनि समाप्त भएको छ।
भीमले पुरुष ५० मिटर फ्रि स्टाइल एस नाइन विधामा खेलेका हुन् । उनले निर्धारित दुरी ३५ दशमलव शून्य-आठ सेकेन्डमा पार गरेका हुन् । यही हिटमा पहिलो भएका अमेरिकाका जमाल हिलभन्दा कुमाल नौ दशमल सात चार सकेन्डले पछि परेका थिए । ६ खेलाडी सहभागी हिटमा कुमाल छैटौं भएका हुन् ।
उनी बिपरटाइट स्लोट्स पाएर पारालिम्पिक खेल्ने अवसर पाएका थिए । १९ खेलाडीलाई तीन समूहमा बाँडेर हिट चरण सम्पन्न गरिएको थियो । कुमालको समय सबै खेलाडीभन्दा धेरै रह्यो ।
हिट चरणमा सहभागी १९ खेलाडीमध्ये सबैभन्दा छिटो दुरी पार गर्ने ८ खेलाडीले फ्रिस्टाइलको फाइनलमा प्रतिस्पर्धा गर्नेछन् । यो पटक पेरिसमा तीन नेपाली पारा खेलाडीको सहभागिता रहेको थियो ।
जसमा तेक्वान्दोका पलेशा गोवर्धन र भरतसिंह महता हुन् । पलेशाले ओलम्पिक इतिहासमै नेपालका लागि पहिलो पदक जितेर इतिहास रचेकी छन् । उनले कास्य पदक प्राप्त गरेकी हुन् । भरत भने पहिलो चरणमा नै पराजित भएका थिए ।
