रौतहट । सशस्त्र प्रहरीले स्रोत नखुलेको दुई लाख पचास हजार नगदसहित राष्ट्रिय अनुसन्धानको पूर्व कर्मचारीलाई पक्राउ गरेको छ ।
रौतहटको सशस्त्र प्रहरीले स्रोत नखुलेको दुई लाख पचास हजार नगदसहित राष्ट्रिय अनुसन्धानको पूर्व कर्मचारीलाई पक्राउ गरेको हो । गत मंगलबार दिउँसो सशस्त्र प्रहरीको टोलीले पूर्व कर्मचारी जितेन्द्र राउतलाई जिल्लाको गौर भन्सार कार्यालय अगाडीबाट स्रोत नखुलेको दुई लाख पचास हजार नगदसहित सशस्त्र प्रहरीको टोलीले पक्राउ गरेको हो ।
भारतबाट नेपालतर्फ बीआर ३० एल ६९४७ नम्बरको मोटरसाइकलमा सबार राउतलाई गौर भन्सारमा खटिएका सशस्त्र प्रहरीले चेकजाँच गर्ने क्रममा नगद बरामद गरेका थिए ।
हेलमेट भित्र लुकाएर रकम ल्याउँदै गरेको अवस्थामा पक्राउ गरिएको सशस्त्र प्रहरी बल नम्बर ११ गणले जनाएको छ । बरामद नगदसहित राउतलाई आवश्यक कारबाहीका लागी भन्सार कार्यालय गौर पठाइएको सशस्त्र प्रहरी बलले जनाएको छ ।
