काठमाडौं । थाइल्यान्डको दक्षिणी क्षेत्रमा तीन सय वर्षयताको भिषण वर्षापछि आएको बाढीका कारण कम्तिमा ३३ जनाको मृत्यु भएको छ ।
बाढीको प्रभाव १० वटा प्रान्तमा पूर्ण रूपमा देखिएको छ । मलेसियासँग सीमा जोडिएको हात येई सहरमा एकै दिन ३३ सय ५० मिलिमिटर पानी परेको स्थानीय अधिकारीहरूले बताएका छन् । देशभर गरेर २० लाखभन्दा बढी मानिस प्रभावित छन् । ठूलो जनसंख्या सम्पर्कविहीन रहेको तथा उद्धार पुर्याउन कठिन भइरहेको रोयटर्स समाचार समितिले जनाएको छ ।
थाइल्यान्डको सेनाले हवाईजहाज र डुंगाहरू बोकेर उद्धार कार्यमा खटिएको जनाएको छ । वर्षा र बाढीको प्रभाव भियतनाम र मलेसियामा पनि देखिएको छ । भियतनाममा ९८ जनाको मृत्यु भएको छ । त्यस्तै, मलेसियामा १९ हजारभन्दा धेरै घरबारविहीन बनेका छन् । उनीहरूलाई उद्धार गरेर विभिन्न सेल्टरहरूमा राखिएको छ ।
.png&w=400&height=300)
