काभ्रे। धुलिखेल नगरपालिका–८ कटुवा पाखास्थित करिब १३ सय रोपनी क्षेत्रफलमा निर्माणाधीन “फिल्म सिटी” को स्थलगत निरीक्षण चलचित्र विकास बोर्डका अध्यक्ष दिनेश डीसी नेतृत्वको प्राविधिक टोलीले मंगलवार गरेको छ ।
निरीक्षणपछि सञ्चारकर्मीसँग कुरा गर्दै अध्यक्ष डीसीले “फिल्म सिटी अब सपना मात्र होइन, कार्यान्वयनको चरणमा प्रवेश गरिसकेको छ” भन्दै यसले राष्ट्रिय तथा अन्तर्राष्ट्रिय स्तरमै नेपाली फिल्म उद्योगको पहिचान उचो बनाउने बताउनुभयो । “धुलिखेल नगरको पहल, फिल्म विकास बोर्डको संकल्प र स्थानीयको साथमा यो परियोजना छिट्टै निर्माण सम्पन्न गरी प्रयोगमा ल्याउने हाम्रो लक्ष्य छ ।” अध्यक्ष डिसीले बताउनुभयो ।
परियोजनाकोलागि नगरपालिका र चलचित्र विकास बोर्डबीच प्रारम्भिक समझदारीपत्र (MoU) भइसकेको छ भने विस्तृत परियोजना प्रतिवेदन (DPR) निर्माणको तयारी भइरहेको छ ।
