जनकपुर । मिथिलाञ्चलमा हिजोदेखि चैती छठ पर्व शुरु भएको छ । सूर्यको उपासना गरि मनाइने यस चार दिने पर्व अन्तर्गत आज दोस्रो दिन खरना मनाइँदै छ ।
धार्मिक विधिपूर्वक आज साँझपख मिथिलाको घरघरमा कूल देवताको पूजा गरि ठेकुवा, खिर, पुरी र केरा प्रसादको रुपमा चढाउने गरिन्छ ।
खरना पछि भोली साँझ अस्ताँउदो सूर्यलाई अर्घ दिएर सूर्यको पूजाआजा गरिन्छ । यो पर्व पुत्र प्राप्ती र चर्म रोग रोग निको हुने विश्वासको साथ मनाइने गरिन्छ । शुक्रवार विहान उदाँउदो सूर्यलाई अर्घ दिएपछी औपचारीक रुपमा चैती छठ समापन भएको मानिन्छ ।
कार्तिकमा हुने छठमा जस्तै पछिल्ला वर्षहरुमा चैती छठमा पनि गंगासागर लगाएतका तलाउमा छठ मनाउनेको संख्या बढ्दै गएको छ ।
