दोलखा। जिल्ला सहकारी संघ दोलखाले कान्तिपुर टेलिभिजनका संवाददाता केदार शिवाकोटीलाई सम्मान गरेको छ । सहकारी क्षेत्रको अभियानलाई पत्रकारितामार्फत उजागर गरेको भन्दै शिवाकोटीलाई संघले सम्मान गरेको हो ।
शिवाकोटीलाई राष्ट्रिय सहकारी महासंघका उपाध्यक्ष डिबी बस्नेतले दोसल्ला, सम्मान पत्र र नगदसहित सम्मानित गरेका हुन् । यस्तै संघले सहकारी अभियानका अन्य सहकारीकर्मी र सहकारी लगायतलाई पनि सम्मान गरेको छ ।
साधारण सभालाई सम्बोधन गर्दै उपाध्यक्ष बस्नेतले हालै सरकारले ल्याएको सहकारीसम्बन्धी अध्यादेशमा त्रुटि रहेको भन्दै सच्याउन माग गर्नुभयो ।
