अर्थतन्त्रका सूचकहरुमा सुधार आउनै नसकेको विषयमा खतिवडाले चिन्ता व्यक्त गर्नुभयो। केहि सूचकहरुले सुधारका संकेतहरु देखाए पनि त्यो पर्याप्त नभएको उहाँको धारणा थियो। बैंकहरुमा लगानीयोग्य रकम थुप्रिए पनि उत्पादनमूलक क्षेत्रमा लगानी बढ्न नसक्नु चिन्ताजनक रहेको उहाँले बताउनुभयो।'प्रधानमन्त्रीलाई तपाईँले कस्तो सल्लाह दिइरहनुभएको छ ? अर्थतन्त्र सुधार त देखिँदैन नि!' भन्ने प्रस्तोता रुपेश श्रेष्ठको प्रश्नमा खतिवडाले आफूले पूरक बजेट ल्याउनेसम्मको सल्लाह दिएको बताउनुभयो।
कार्यक्रममा प्रस्तोता श्रेष्ठको अर्थमन्त्रालय तपाईँले चलाउनुहुन्छ कि विष्णु पौडलले चलाउनुहुन्छ भन्ने प्रश्नमा खतिवडाको जवाफ हेर्न लायक छ।साथै, कार्यकारी प्रमुखको नजिक रहेर सरकारका काम हेर्दा आशा बढी हुन्छ कि पीडा बढी हुन्छ भन्ने प्रश्नमा प्रधानमन्त्रीको निर्देशनअनुसार समयमा काम हुन नसकेको देख्दा पीडा हुने बताउनुभयो।
काम हुन नसकेकोमा राजनीतिक नेतृत्वले कर्मचारी संयन्त्रलाई लगाउने दोष, बुढीगण्डकी आयोजनामा भइरहेको ढिलाइजस्ता विषयमा पनि खतिवडासँग संवाद गरिएको छ।
खतिवडाले अर्थतन्त्रका सूचकहरुले मात्रात्मक सुधार देखाउन नसकेकोमा चिन्ता व्यक्तसमेत व्यक्त गर्नुभयो। कान्तिपुर टेलिभिजनको युट्युब च्यानल र कान्तिपुर टिभी एपमा पनि कार्यक्रम हेर्न सकिनेछ ।
