काठमाडौं । नेपाली कांग्रेसको केन्द्रीय कोषाध्यक्षमा उमेश श्रेष्ठ मनोनित हुनु भएको छ । पार्टी सभापति शेरबहादुर देउवाले आइतबार श्रेष्ठलाई केन्द्रीय कार्यसमितिको कोषाध्यक्ष पदमा मनोनित गर्नु भएको हो ।
श्रेष्ठ यसअघि पार्टीको केन्द्रीय सदस्य हुनुहुन्थ्यो । श्रेष्ठलाई पार्टीको विधान, २०१७ (संशोधन सहित) को धारा २१ को उपधारा (४) बमोजिम कोषाध्यक्ष पदमा मनोनयन गरिएको पार्टी केन्द्रीय कार्यालयका मुख्यसचिव कृष्णप्रसाद पौडेलले एक विज्ञप्ति मार्फत जानकारी दिनु भयो ।
