काठमाडौं । राष्ट्रिय महिला क्रिकेट टिमकी कप्तान इन्दु बर्माले यू-१९ राष्ट्रिय महिला क्रिकेट टिमले विश्वकप खेल्नु देशका लागि उपहार भएको बताइन् ।
कान्तिपुर मिडिया ग्रुपले आयोजना गरेको कान्तिपुर कन्क्लेभको तेस्रो सत्र 'मैदानमा महिला नायक' शीर्षकमा भएको छलफलमा बर्माले यस्तो बताइन् ।
'यू -१९ राष्ट्रिय महिला क्रिकेट टिमले जुन हिसाबको इतिहास बनाएको छ । हामीजस्ता सिनियर अनि पूरा देशलाई नै एउटा राम्रो उपहार दिनु भएको छ । जितका लागि २ रन बाँकी हुँदा जुन चौका प्रहार गर्नुभयो,' उनले भनिन्, 'हामी त एकदम भावुक भएका थियौं । सन् २००७ मा बनेको महिला टिमले २०२४ सम्म आइपुग्दा १८ वर्षको यात्रामा विश्वकप खेल्ने बाटो देखाइदियो ।'
उनी महिला खेलाडीका लागि पनि एनपीएल हुनुपर्ने बताइन् ।
