चितवनमा गाडीको ठक्करबाट साइकल यात्रीको मृत्यु

चितवन । चितवनमा आज दिउँसो बलेरो गाडीले ठक्कर दिँदा एक जना साइकलयात्रीको मृत्यु भएको छ ।

भरतपुर -५ नयन चोकमा दिउँसो १२ बजे ना ४ च ६९५१ नम्बर उक्त गाडीले साइकललाई ठक्कर दिँदा साइकल चालक पर्सा सखुवापर्सौनी गाउँपालिका-४ घर भई हाल नवलपुर गैंडाकोट नगरपालिका-५ मा डेरा गरी बस्ने वर्ष १७ का इसान अन्सारीको मृत्यु भएको हो ।

सिकिस्त घाइते भएका अन्सारीलाई उपचारको लागि भरतपुर अस्पताल लगिए पनि चिकित्सकले मृत्यु घोषण गरेका थिए ।

ठक्कर दिने गाडी र त्यसका चालक चितवनको माडी नगरपालिका-३ बस्ने वर्ष २४ का मनोज महत्तोलाई प्रहरीले नियन्त्रणमा लिएको छ ।