उदयपुर । अविरल वर्षासँगै आएको बाढीले आज उदयपुरको रौतामाई गाउँपालिका-१ माझखर्ककी अन्दाजी १६ वर्षीया हिसिला तामाङको गाउँ नजिकैको ओडारे खोलाले बगाएर मृत्यु भएको छ ।
यसैगरी उदयपुर र खोटाङ जोड्ने सगरमाथा राजमार्गको फोक्सिनटार स्थित पक्कि पुल सुनकोशीले बगाएको छ ।
सप्तकोशीको बाढी पसेर उदयपुरको बेलका नगरपालिकाका ८,९,१,२ र ३ वडा डुबानमा परेको छ । वडा-८ को एलकेखोजदेखि पसेको बाढीले दर्जन बढी बस्तीका ८३ घर डुबान भएपछि सो क्षेत्रका बासिन्दालाई नेपाली सेना, सशस्त्र प्रहरी र नेपाल प्रहरीको उद्धारटोलीले करिब ५ सय जनालाई सुरक्षित स्थान सारेका छन् ।
भेलबाढीका कारण सिद्धिचरण राजमार्ग अन्तर्गत कटारी-घुर्मी सडकखण्डसहित जिल्लाका सबैजसो सडक खण्ड पनि अवरुद्ध बनेका छन् ।
