महोत्तरी । महोत्तरीको गौशाला नगरपालिका-८ कुस्मादीमा सोनी नदीले दुई बालबालिकालाई बगाएको छ । सोनी नदीको बाढी हेर्न आएका उनीहरुलाई नदीले बगाएको हो ।
१६ वर्षीय रोहित साह र ११ वर्षीया करिना महतोलाई बाढीले बगाएपछि प्रहरीले खोजी कार्य तीव्र बनाएको थियो । करिब एक घण्टापछि करिनालाई पाँच सय मिटर तल झाडीमा प्रहरीले शकुसल उद्धार गरेको छ ।
रोहित भने भेटिएका छैनन् । उनको खोजिकार्य तीव्र बनाइएको एसपी नकुल पोखरेलले जानकारी दिनुभयो ।
