काठमाडौं । राष्ट्रिय मानव अधिकार आयोगका अध्यक्ष तपबहादुर मगरले संक्रमणकालीन न्याय पीडितमैत्री हुनुपर्ने बताउनुभएको छ ।
आयोगले आज ललितपुरमा गरेको कार्यक्रममा अध्यक्ष मगरले संक्रमणकालीन न्याय टुंग्याउँदा पीडितमैत्री हुनुपर्ने, बालसैन्य, यौनजन्य हिंसाहरुलाई सँगै टुंग्याउने गरी नीति बनाउनुपर्ने बताउनुभयो । पीडकले सजाय र पीडितले न्याय पाउने गरी संक्रमणकालीन न्याय टुंग्याउनुपर्नेमा अध्यक्ष मगरले जोड दिनुभयो ।
आयोगले आफूले गरेका सिफारिस कार्यान्वयन गर्न सरकारलाई आग्रह गरेको छ ।