काठमाडौं । सहकारी ठगीको फरार सूचीमा रहेका पोखराको सूर्यदर्शन बचत तथा ऋण सहकारी संस्थाका उपाध्यक्ष कैलाशकुमार दर्लामी पक्राउ परेका छन् ।
दर्लामी लुकीछिपी बसेको अवस्थामा काठमाडौं प्रहरीले हिजो पक्राउ गरेको हो । पक्राउ परेका दर्लामीलाई पोखरा लगिँदै छ ।
रकम हिनामिना उजुरीपछि उक्त सहकारी ठगीको आरोपमा १९ जना विरुद्ध पक्राउ पुर्जी जारी भएको थियो । त्यसमध्ये सञ्चालक समिति कोषाध्यक्ष कुमार रम्तेल यसअघि नै पक्राउ परिसकेका छन् । उनी कास्की कारागारमा पुर्पक्षका लागि थुनामा छन् ।
पूर्वअध्यक्ष गितेन्द्रबाबु राईसहित वर्तमान सञ्चालक समिति, पूर्वसञ्चालक समिति, लेखाका कर्मचारीसहित १७ जना अझै फरार छन् । सहकारीमा १८ हजार ७ सय बचतकर्ताको १ अर्ब ३५ करोड ५३ लाखभन्दा धेरै रकम हिनामिना भएको छ ।
सम्बन्धित समाचार...
