काठमाडौं । साउदी प्रो लिगको जेदाह डर्बीमा अल इत्तिहादले बाजी मारेको छ । घरेलु टोली इत्तिहादले अल आलीलाई एक शुन्य गोलले पराजित गरेको हो ।
किङ अब्दुल्लाह स्पोर्टस सिटीमा गएराती भएको खेलमा इत्तिहाद उच्च गोलकर्ता करिम बेन्जिमा विना मैदान उत्रिएको थियो । बेन्जिमा चोटका कारण बाहिरिएका हुन् ।
साउदी स्ट्राइकर सलेह अल सेहरीले ४१ औं मिनेटमा डेडलक तोडे । उनले मौसा डियाबीको सहयोगमा गोल गरेपछि इत्तिहादले अग्रता लिएको थियो । सलेहको एक मात्र गोल इत्तिहादको जीतमा निर्णायक बन्यो । इभरीकोस्ट इन्टरनेशनल तथा बार्सीलोनाका पुर्व मिडफिल्डर फ्राङ्क केस्सीले दोस्रो हाफमा पाहुना टोलीका लागि बराबरी गोल त फर्काएका थिए । तर गोल अफसाइड हुन पुग्यो । यो नतिजा पछि इत्तिहादले शीर्ष स्थानमा रहेको अल हिलाल संग अंक बराबरी गरेको छ ।
हिलालको ८ खेलबाट २४ अंक छ । दोस्रो स्थानमा रहेको इत्तिहादले एक खेल बढी खेलेको छ । क्रिस्टियानो रोनाल्डो नेतृत्वको अल नासार ८ खेलबाट १८ अंकका साथ तेस्रो स्थानमा छ । अल आली नौ खेलबाट ११ अंकका साथ तालिकाको आठौ स्थानमा रहेको छ ।
